Actualmente no novo proxecto do invernadoiro de Aspromor desenvólvense labores ocupacionais de horticultura cunha finalidade pedagóxica e terapéutica. Os usuarios aprenden a preparación de sementeiros, o trasplantado, o coidado de plantas, a recollida, etc. Paralelamente responsabilízanse do mantemento do espazo coa colocación de carteis indicativos, normas de uso, decoración dos bancales, limpeza, etc.
Grazas á colaboración dos alumnos/ as do taller “Proxecto Formativo Aprendiz de Peón Agrícola” que se imparte desde o Concello de Ortigueira, foi posible a construción dos bancales necesarios para completar a totalidade do espazo dispoñible.
Na actualidade a colleita xa se está empregando para o autoabastecimiento do comedor do Centro, tendo como finalidade última aumentar a produción para poder ofrecer os nosos cultivos aos veciños da comarca.
Este espazo ocasionalmente é compartido polos usuarios do Centro de Día, que en función das súas capacidades realizan distintas tarefas nunha contorna gratificante.
